Pälzer

bellheim © sylvia • sro • 2015
Das Geburtshaus meiner Mutter und da auch ich in der Pfalz geboren bin, passt das nachstehende Gedicht sehr gut.

  • • •

D´Pälzer Sproch, des isch doch was,
Ehr Leit, mer macht se richdich Spaß.
Mir isch am wohlschte immer dann,
wann ich mei Pälzisch babble kann.

Was nützt mer' s dann,
wann ich will schwätze
un du mer dann des Maul abwetze
un hinnerher dut manscher frooche:
warum dut er sich dann so blooche?

Drum mach ich´s wie ´s am beschde geht
un redd wie mer de Schnawwel steht.
Un ab un zu versuch ich dann,
ob ich ach pälzisch dichte kann.

Schwer isch des nit, nur muß mer wisse,
dass sich die Wörter reime misse´,
wann des mol klappt isch viel erreicht,
de Rescht isch wirklich kinnerleicht.

Drum geb ich eich den Rot noch mit:
vergessen's Pälzisch babble nit,
denn: ´s Pälzerdeitsch, do gibt´s kä Frooche,
isch wirklich d´schänscht vun alle Sprooche.

Quelle Internet • Urheber des Textes © vum Erich Hoffmann